عندنا بس

عندنا بس
لما تلاقى الراجل الكبير فى السن فى احد المواصلات العامة
يقوم و يقعد واحد تانى اكبر منه حتى لو تعبان

عندنا بس
لما تلاقى اول ما راجل كبير او سيده تركب
يبقى لو فيه شاب قاعد يقوم و يقعدها و كأنة قانون متعارف عليه

عندنا بس
تلاقى السيدة بتقول الشاب لأ خليك مستريح يابنى
و هو يقولها لأ إزاى و كأنها بتتكلم فى حاجه منتهية

عندنا بس
الشاب الى عايش حياته و بيشتم و بيعمل كل حاجه غلط
لما حد كبير يكلمة بيرد عليه بإحترام

عندنا بس
لما تركب مواصله و تلاقى حد تعرفه يصمم انو يدفعلك و العكس
و الناس بتتسابق عشان تدفع لبعض

عندنا بس
لو حد سألك على حاجه بتحاول تساعده حتى لو مش عارف

عندنا بس
لو لقيت ست كبيرة أو راجل مسن عايز يعدى الشارع
بتقول اصحابك استنوا و تروح تعدية و ترجع

عندنا بس
متلاقيش راجل بيمد ايده على ست او بنت حتى لو اتشتم
فى حين ان لو راجل تانى عمل ربع اللى عملته ميروحش سليم

عندنا بس
لما الساب يلاقى والد او والدة صاحبة شايله حاجه
يجرى و يشيل عنها و يطلعها لحد البيت

عندنا بس
علشان ترطبت ببنت
بتعدى على احتبارات كتير اصعبها قاعدتك قدام والدها و انت بتتسئل
لانها جوهرة غاليه .. إلا من ارادت ان تكون غير ذلك

عندنا بس
فى المناسبات الناس بتكلم بعضها
و تلاقى الامهات بيبعتوا لبعض اى حاجه حسب المناسبة زى طبق الكحك مثلا

عندنا بس
لما بيجيلك ضيف بتعمل معاة اكتر من اللى بتعمله مه اهلك
و بتكرمه و لو معندكش حاجه بتبعت مخصوص عشان تشترى

عندنا بس
تلاقى راجل بيستلف
و لما تسأل لييه يطلع هيديهم لواحد محتاجهم ضرورى

عندنا بس
الناس فى قلوبها الخير دايما
حتى لو مش كويس ... اتفرج عليه فى المواقف الجاده
=====================================================

عندنا بس
الموظفين بيفطروا فى الشغل و لو جيت تكلموا يقولك انا بفطر و كأنه حقه
و زيادة فى الإحراج يقولك تعالى إفطر معايا

عندنا بس
تتعلم 17 سنة تقريبا و بعدين تشتغل فى مجال تانى خالص

عندنا بس
اللى يستاهل عاطل واللى ... كوسة

عندنا بس
تلاقى مسؤول بيتكلم بكل ثقة و بيقول احنا بنصرف إعانات و مساعدات شهريا
و لما تعرف هو بيتكلم عن كام تلاقيهم 50 جنية فى الشهر دة لو وصلوا

عندنا بس
الشباب عايزين يتجوزوا و الآباء يغالوا فى الطلبات مع إنوا عارف ان الشباب كلهم كده

عندنا بس
تلاقى الأفراح متكلفة أكتر من غرفة السفرة
مع انهم ممكن يعيشو شهرين على الأقل بالفلوس دى

عندنا بس
الموظفين بيتعاملوا معاك و كأنك بتشحت أو بتطلب منه معروف
مع إن ده شغله

عندنا بس
بتدرس و تحفظ المواد و تفضى فى الإمتحان و تخرج ابيض

عندنا بس
التعليم بالكم و ليس بالستفادة
ادرس اكتر .. واللى يجمع مواد اكتر ياخد نص جنية

عندنا بس
اللى معة كارنية يعدى و الغلبان اللى وراه يـــ ...

عندنا بس
تروح للموظف الساعة 10 يقولك 11 و لو رحت 11 من نفسك يقولك 12 و بعد كده يقول 1
لو يوم عملت زكى و روحت الساعه 1
يقولك انت اييه اللى جايبك متأخر احنا مروحين تعالى يوم السبت بدرى

عندنا بس
لما شاب يحاول يعمل مشروع و يشتغل يلاقى تعقيدات ملهاش آخر
و لو قعد فى بيتهم يبقى مش كويس و منحترمهوش و الإيد البطالة ...

عندنا بس
المرتبات = تمن المواصلات

عندنا بس فعلا ويارب الصفات الكويسه تدوم ونحاول نغير العادات السيئة

سبحان الله بالفعل ده حقيقى

والحمد لله اللى بيخلينا نقدر نعيش ونستحمل البلد دى ان مميزات اهلها اكتر من عيوبها

يعنى مهما بيعملو بنقول معلش مسيرهم يتعدلوا

عندنا بس

تتكلم وتخبط فى الدين = حرية تعبير

تنقد بأدب أى حاجه وحشه = بجاحه وبتتكلم فى غير إختصاصك يا جاهل