انا عرفته من الاخت سارة طبعا وهى اللى اقترحت عليا وعلى معظم الاخوات هنا اننا نشترك فى المنتدى
لاننا كلنا اصحاب مع بعض
واللى خلانى بقى مصممة على الاشتراك
هو انى كان لازم فى الاول اشترك عشان اقدر اتفاعل وارد على المواضيع لكن بعد مااشتركت بقى يااخت فاطمة ايه اللى خلانى مصممة على انى اكمل فى المنتدى - وهو ده السؤالى اللى كان لازم تسأليه -
انى لقيت وبجد حاجات كتير كنت بدور عليها هنا فى المنتدى
اولا: الصحبة الصالحة واللى باين عليها من الاول ومن المواضيع
ثانيا: انا كان عندى وقت فراغ كبير جدا ومش بلاقى حاجات كتير اعملها ووجودى فى المنتدى شغل جزء كبير جدا من الفراغ ده اذا مكنش شغله كله لدرجة انه اختى وماما فى البيت بيتخانقوا معايا وبيقولوا لى يابنتى قعادك على الكمبيوتر ده كده هيوديكى فى داهية حرام عليكى ارحمى نفسك شوية
بس على مين بصراحة مش باقدر افوت يوم واحد مدخلش فيه وبحب اتابع كل حاجة موجودة هنا
ثالثا: وزى ماالاخ ريكو قال المواضيع القيمة اللى بنتكلم فيها وبنستفيد كتير منها وكمان المعلومات اللى بلاقيها وممكن تكون اول مرة اعرفها طبعا
ورابعا: ودى اهم حاجة انى حبيت فى خلال وجودى على النت انى استغله واستفيد منه بشىء ينفعنى وينفع غيرى ويفيدنا كلنا وبالفعل الحاجات دى لقيتها على المنتدى وقدرت انى احققها او على الاقل قدرت احط قدمى على اول طريق الاستفادة
ويارب بإذن الله كلنا كده نقدر نفيد ونستفيد من بعض كتير ونعمل ولو الشىء القليل لنصرة الاسلام ومشكور اخ ابو بكر على الموضوع ده بصراحة فكرة جميلة جدا 
موضوع: كيف عرفت المنتدي 
الإثنين 06 نوفمبر 2006, 20:35
