متضايق ومخنوق؟ تعالى هنا

الحمد لله رب العالمين والعاقبة للمتيقن الموحدين ولا عدوان إلا على الظالمين الاثمين . وأشهد ألا إله إلا الله وأشهد أن محمداً عبده ورسوله وصفيه من خلقه وأمينه على وحيه وخليله.

أما بعد....

إيه يا عم مالك عامل كده ليه؟ يا خبر !!!

كلمنى بصراحة يا حبيب....مالك ياعم؟

مخنوق؟ شكلك مخنوق جداً .... لا حول ولا قوة إلا بالله .

عارف انك مخنوق وقرفان وحالتك لا يعلم بها إلا الله تعالى.

متضايق من إلى بيحصل فى الأمة الإسلامية من حولك؟؟

متضايق من تكالب كل القوى الغاشمة على الأمة؟

ومتضايق كمان من حال المسلمين الغافلين؟

أيوه أيوه خلاص فهمت الموضوع.

طيب ومين فينا مش متضايق يا أخى بس؟!!

أقولك على حاجه حلوة ؟ بدل ما أنت قاعد كده تتحسر ومابتعملش حاجه مفيدة.

تعالى معايا .... أيوه دلوقتى حالاً....

بص...غمّض عينيك قليلاً وارجع بذاكرتك للّى تعرفه من سيرة حبيبك النبى صلى الله عليه وسلم .

أيوه.. رجعت؟

طيب كويس

افتكر بقى معايا كده واحدة واحدة...

فاكر حبيبك النبى صلى الله عليه وسلم نزل عليه الوحى فى غار حراء لما كان وحيداً؟

فاكر هو كان عازل نفسه بعيد عن الناس ليه؟ وكان بيروح الغار يتعبد لوحده ليه؟لأن الكفر كان حوله من كل جانب.وتسرى الوثنية من أهل مكة والعرب سريان الدم.

فاكر بقى لما نزل عليه الوحى الأمين ؟ أيوه بالظبط كده , عندما ضمّ النبى صلى الله عليه وسلم فأغشى عليه بأبى هو وأمى.

كان فى حد تانى مسلم معاه؟ لا والله. كان لوحده صلى الله عليه وسلم.

دور بقى فى ذاكرتك على المواقف إلّى هقولك عليها دى ؟ يبنى ركز شوية الله يهديك ...

فاكر يوم ما ألقى على ظهره قاذورات الذبائح و سلى الجزور وكانت ابنته فاطمة رضى الله عنها تبكى وتزيلها؟

فاكر يوم الطائف يوم عاد منها دامى القدمين مرمىّ بالحجارة؟

فاكر ليلة الهجرة والسيوف تنتظره خارج بيته؟

فاكر يوم الغار والمشركون يقفون على رأسه هو والصدّيق رضى الله عنه؟

فاكر يوم بدر وهو يدعوا الله تعالى ( اللهم نصرك الذى وعدت )؟

فاكر يوم أحد لما شجت شفته وكسرت رباعيته ووقع فى الحفرة صلى الله عليه وسلم؟

فاكر يوم خيبر لما دست له يهود السمّ فى الكتف؟

فاكر يوم الخندق والكرب العظيم, وهو قائم يصلى تحت الشجرة فى البرد والريح الشديد, والعدو من كل جانب؟

فاكر أخلاق الأعراب القاسية الغليظة معه بأبى هو وأمى؟

فاكر أذى المنافقين له و مكرهم به وبالإسلام العظيم؟

فاكر مسيلمة عليه لعنة الله؟

فاكر بن أُبى بن سلول؟

فاكر مقتل عمه حمزة والحزن الذى خيم على المدينة؟

فاكر مقتل جعفر الطيار رضى الله عنه؟

فاكر كل الحاجات دى؟؟؟؟

ها.الزعل والضيق بدأ يروح شوية صح؟؟

طيب الحمد لله.

انت عارف أنا قلتلك كده ليه؟

أصل أنا عارف مشكلتك.

وهى مشكلة ناس كتير جداً غيرك..

الإحساس بالظلم والإستضعاف والهزيمة النفسية وضيق الصدر.

هى فعلاً مشكلة كبيرة وإحساس مؤلم.

بس أديك شفت أهوه .... إن سيدك النبى صلى الله عليه وسلم حصل له إلّى محدش فينا يتخيله ولا يتحمله!!

بس هو بقى صلى الله عليه وسلم عمل إيه؟؟؟

فضل قاعد يحسّر نفسه هو والصحابة ؟

فضل قاعد يهبط عزيمة نفسه ويخنقها؟

عمل إيه قولى بالله عليك.. يا عم قول ماتتكسفش مش هحرجك. أنت أخويا وبحبك انت عارف.

خلاص أقولك أنا..

حبيبك النبى صلى الله عليه وسلم قام وصدع بالحق وتحمل الأذى فى الله وعلق قلبه بالذى خلقه وخلق الكون كله ربه تبارك وتعالى.

حبيبك النبى ماقعدش يدعى على الكفار والمنافقين بس وانتهى الموضوع على كده..لا والله.

محمد صلى الله عليه وسلم لم يكن قلبه يهنأ إلا ودين الإسلام يطير إلى العالم كله ليمحوا أثار الوثنية والكفر والنفاق.بالدعوة والعمل والأخلاق الحميدة والصبر واليقين .

محمد صلى الله عليه وسلم استعان بالصبر والصلاة.

محمد صلى الله عليه وسلم علمّ الناس دين الحق وتخلق بأدب القران.

شفت بقى؟؟؟ حبيبك النبى صلى الله عليه وسلم عمل حاجات كتير اوى علشان الضيق والكرب لا يتمكن من الأمة.

شفت بقى أن الحل فى ايدك؟بس انت إلّى مكسل تستخدمه.

أيوه مكسل ... ماتزعلش منى ياعم أنت حبيبى بس الحق أحب إلّى منك .

يبقى هتبدأ من النهاردة تعمل إيه؟

هنشوف حبيبك النبى كان بيعمل إيه ونعمل زيه .. اتفقنا؟؟

اتفقنا يا عم ولا هتنسى أول ما الصبح يطلع؟

خلاص اتفقنا .. مش بقولك انت حبيبى.

أمّال أنت عمال تسمع دروس وخطب ليه؟ الكلام بيدخل من ودنك ويطلع من ودنك التانية؟ فين الإستفادة يبنى؟

والقران والسنة وعلومهم انت سايبهم لمين؟

مش عيب عليك؟

وعماّل تقول هزيمة نفسية وحاجات من دى؟؟ ماهو لازم تحس بكده لأنك بتهرّج.

يبنى يا حبيبى الهزيمة والجهل وضعف الإيمان دى أمور متلازمة... وهى دى أقوى أسلحة عند الشيطان.

ماهو لقى الأمة كل واحد فى وادى وانت لقاك بتروح الجامع وكده بس مخك فاضى...ياااااعم قولت لك ماتزعلش منى بقى .

طيب خلاص اظنّ كده أنت عرفت أنا عاوز أقولك إيه.

وعلى العموم اخر نصيحة أنصحك بيها يا حبيب انك تفتح كتب التفسير والحديث ( كتب السنة ) وتراجع ايات وأحاديث الفتن . يا الله هتلاقى راحة كبيرة جداً جداً لا تتخيلها.الطريقة دى مُجربة وكتير من أهل العلم بينصحوا بيها.

أسيبك بقى تدوّر فى الكتب والشروحات وأروح أنا أشوف أُمورى.

يلا عاوز حاجه؟

أسيبك فى أمان الله ..والسلام عليكم ورحمة الله وبركاته.

جميلة منك

أكرمك الله يا أبا جعفر.

بارك الله فيك وجعله فى ميزان حسناتك

مااجملها وانفعها نصيحة

جزاك الله خيرا على الموضوع الطيب

بارك الله فيك يا اخى

جزاكم الله خيرا اخى الكريم

جزاك الله خيرا

جزاك الله خيراً أخى الكريم

فعلاً ما أجملها من نصيحة ..اللهم اعنا على العمل بها يارب العالمين وثبت قلوبنا على دينك

نفع الله بك الإسلام والمسلمين أخى

جزاكم الله خيراً على تفاعلكم مع تلك المشاركة البسيطة من أخ لكم فقير مثلى.

نسأل الله تعالى أن يجعل أعمالنا خالصة له وحده لا شريك له.

ما أجملها تعقيبات وردود.

جزاكم الله خيراً ولا حرمكم الأجر والمثوبة.

والسلام عليكم ورحمة الله وبركاته

جزاك الله كل خير يا حفيد قعلا رائعة
و هذا ما نتوقعه منك و من مشاركاتك الفعالة
و مستنين شوية كمان معلش احنا طماعين Laughing

جزاك الله خيرا

جزاك الله خيرا

» كيف أحقق التوحيد لله تعالى
» سعة مغفرة الله تعالى
» فضل الله تعالى و رحمته
» المحرومون من النظر إلى الله تعالى
» مكتبة العلامة صالح ال الشيخ حفظه الله تعالى