مين فينا مستني يكون العظة ؟؟؟؟

السلام عليكم ورحمة الله وبركاته
هاحكي عليكم حكاية ولد كدة بسرعة حصلت وأثرت فيا قوي ولد عنده 22 سنة الولد ده كان كويس جدا وطيب جدا بس كعادة معظم الشباب الفترة دي بيعملوا معاصي وفاكرينها حاجة عادية لان كل اللي حواليهم بيعملوها بس اصحابه الكويسين كانوا دايما بيقولوله يابني حرام عليك واعمل لربنا وكدة يعني كان بيرد عليهم ويقولهم مش دلوقتي خلوني اعيش حياتي كانوا بيردوا عليه يقولوله انت مش هتوب غير لما تحصلك مصيبة تتعظ منها قاللهم ان شاء الله لا قالوله الخوف تكون انت العظة اللي كلنا نتعظ منها وكان بيفضل يتكلم عن مستقبله وعن اللي ناويه في حياته الجاية للاسف ماكنش حاطط في دماغه خالص انه ممكن يموت دلوقتي طبعا كلكوا شباب وفاهمين قصدي والتخطيط للمستقبل وكدة المهم الولد ده مات اول امبارح في حادثة عربية بشعة ربنا يحفظنا كلنا آمين طالبة منكم بس ياريت اول حاجة تدعوله بالرحمة من ربنا مين عالم مين مننا هيكون محتاج دعاء زي ده في يوم من الايام وياريت لو مافيهاش مشقة عليكوا تعملوها فورورد للي تقدروا عليه من الناس عشان هوه محتاج كل دعوة بجد وهوه فعلا كان يستاهلها

كان نايم في سريره في اوضته في وسط اهله مش متخيل ان بكرة هينام لوحده في تربة ضلمة

كان نازل من بيته زي ماكلنا بننزل مش حاطط في دماغه ان دي آخر مرة يشوف فيها بيته واهله

كان وكان وكان وكان وماكنش يعرف ان آخر اللي كان بيعمله ده هينتهي دلوقتي زي ماكلنا مش عارفين

ياترى لو كان يعرف كان عمل ايه ........؟؟؟؟!! أجابة السؤال متروكة ليكم عشان معظمنا بيعمل زيه ومش عارف عمره هيتنهي امتى

آخر طلب بأة عايزاكو تفكروا ياترى مستنين انتوا كمان لما تحصلكوا مصيبة تتعظوا منها ولا مستنيين انكم تكونوا انتوا العظة برضه وربنا يبعد عننا اي حاجة وحشة ويكتبلنا كل خير ان شاء الله ويهدينا ويقربنا منه

مين فينا مستني يكون العظة ؟؟؟؟ I.p.emwink

!!!!بالعربي عجبي عليك يازمن

إنا لله و إنا إليه راجعون

اللهم إرحمه رحمة واسعه و صبر أهله

اللهم ارحمه ولا تعذبه و تجاوز عن سيئاته

يا جماعه أدعوله بالله عليكم يمكن دعوة واحد مننا تقيه

وكل واحد يحمد ربنا إنه إداله الفرصه ومد له فى عمره و يتوب و يلحق نفسه والله مافيش وقت

» كيف يكون احياء ليله القدر؟
» تريد ان يكون لك كنز من كنوز الجنه
» عندما يقع الخلاف حقا كان او باطل كيف يكون التصرف؟
» أنظر كيف يكون بر الوالدين وتعلم من شيخك الفقيه